Исроил президенти Реувен Ривлин фаластинлик жангарини қасддан бўлмаган ҳолатда ўлдиришда айбланган аскар Эльор Азарияни афв этиш ҳақидаги сўровни рад этди. Бу ҳақда Forum Daily хабар бермоқда.
Ҳозирда 18 ойлик қамоқ жазосига ҳукм қилинган (кейинчалик бу муддат 14 ойгача қисқартирилди) Азария ҳарбийлар учун қамоқхонада жазосини ўтамоқда.
Президент сўзларига кўра, «янада кўпроқ афв этиш армия ва давлат нуфузига салбий таъсир кўрсатади».
2016 йил мартда Тель-Румейда туманидаги Жилбер чорраҳасида пичоқлар билан қуролланган икки араб жангариси ҳарбий хизматчиларга ташланган ва улардан бирини жароҳатлаганди. Уларга қарата ўт очилгач бири ўлдирилган, иккинчиси эса яраланганди.
Ҳодиса жойига тез ёрдам бригадаси етиб келди. Шундан сўнг суд муҳокамасига сабаб бўлган воқеа юз берди: Азария ярадор Абдулфаттоҳ аш-Шарифнинг бошига қарата ўқ узади ва уни ўлдиради.
«Бецелем» ҳуқуқ ҳимоячилари ташкилоти мазкур ҳолат акс этган видеоёзувни эълон қилди. Шундан сўнг кўп ўтмай ҳарбий хизматчи қўлга олинди.
Изоҳ (0)