Американинг Time журнали 2017 йилнинг энг яхши техник янгиликлари рейтингини тузди, деб ёзади «Корреспондент.net».
Гаджетлар рўйхатида Япониянинг Nintendo компанияси ишлаб чиққан Switch ўйин приставкаси биринчи бўлди, ундан стационар приставка сифатида фойдаланиш, шунингдек, йўл-йўлакай ўйин ўйнаш ҳам мумкин.
Иккинчи ўринда iPhone X жойлашди. Нашр таъкидлашича, ромсиз дисплей ва Face ID келажакда смартфонлар учун янги стандарт ўрнатади.
Техник янгиликлар рейтингидаги учинчи поғонани Microsoft Surface Laptop ноутбуки эгаллади. Рўйхатни тузувчилар гаджетнинг ташқи дизайнини, шунингдек, қуввати узоқ вақтга етишини юқори баҳолади.
Time рўйхатида юқори бешликка DJI Spark квадрокоптери ва Samsung Galaxy S8 флагман смартфони ҳам кирди.
Изоҳ (0)