Америкалик Аттауллоҳ Малик ўн ёшли ўғли онасининг iPhone X смартфонини Face ID ёрдамида блокдан чиқара олишини билиб қолди, аммо ушбу тизим унинг юзини таниб олиш учун созланмаган эди. Ҳимояни айланиб ўтиш жараёни акс этган роликни у ўз YouTube-каналига жойлади.
Шу билан бирга, Аттауллоҳнинг смартфонини ўғли блокдан чиқара олмайди. Ота-она бола шу йўл билан уларнинг смартфонидан харидларни амалга ошириши, шунингдек, ёзишмаларни ўқишидан хавотирланмоқда. Бироқ улар Face ID’ни ўчириб қўйишни ҳам истамаяпти.
Таъкидлаш жоиз, Apple ўз технологиялари тақдимотида Face ID 14 ёшдан кичик болалар томонидан қўлланилганида нотўғри ишлаши мумкинлиги ҳақида огоҳлантирган эди.
Изоҳ (0)