Қўшма Штатларнинг Мексика билан чегарасида мамлакат чегара хизмати ходими ўлдирилди. Бу ҳақда АҚШ президенти Дональд Трамп Twitter’даги саҳифасида маълум қилди, дея хабар беради «Газета.ru».
У яна бир чегарачи жиддий яраланганини билдирди. Шунингдек, Мексика билан чегарада девор қуриш зарурлигини яна бир бор эслатиб ўтди.
Fox News телеканалига кўра, ҳалок бўлган 36 ёшли ходимнинг исми-шарифи Роджелио Мартинез бўлиб, у штатлараро I-10 автомагистралидаги «фаоллик»ка «жавоб» чоғида олинган жароҳатлар оқибатида оламдан ўтди. Иккинчи жабрланувчи касалхонага ётқизилган.
Изоҳ (0)