Жазоир соҳил қўриқлаш хизмати Ўртаер денгизи орқали Европага ноқонуний тарзда сузиб ўтмоқчи бўлган 280 дан ортиқ жазоирликни тўхтатиб қолди, деб хабар беради «Корреспондент.net».
Жазоир мудофаа вазирлигининг маълумотларига кўра, соҳил қўриқлаш хизмати 16—19 ноябрь кунлари Европага қайиқда сузиб ўтмоқчи бўлган 286 кишини қўлга олган.
Жазоир қонунларига кўра, республика ҳудудини ноқонуний тарк этишга уринганлар олти ойлик қамоқ жазосига ҳукм қилиниши мумкин. Ноқонуний одам ташиш фаолияти билан шуғулланган фуқаролар эса 20 йилга озодликдан маҳрум этилиши мумкин.
Изоҳ (0)