Россиянинг Хабаровск ўлкаси Нелькан қишлоғида Л-410 самолётининг қулаши оқибатида синиш жароҳатларини олган қизча муваффақиятли равишда операция қилинди, деб хабар беради «Интерфакс».
«Ҳаммаси кўнгилдагидек ўтди, ҳаммаси яхши бўлади. Қизча операциядан яхши чиқди. Унинг аҳволи қониқарли», — дейди Хабаровск ўлкасидаги А.К. Пиотрович номидаги клиник шифохона бош шифокори Иван Гончаров.
У, шунингдек бу турдаги синиш жароҳатлари бир ярим ой давомида даволанишини қўшимча қилди.
«Уйга жавоб бериш ҳақида гапиришга ҳали эрта», — дейди Гончаров.
15 ноябрь куни Хабаровск-Нелькан йўналишида парвоз қилган Л-410 самолётининг қулаши оқибатида бортда бўлган етти нафар йўловчилар ичидан фақатгина тўрт ёшли қизча омон қолган эди.
Изоҳ (0)