Германия полицияси франкфуртлик киши томонидан йўқолгани 20 йил аввал маълум қилинган машинани топди. Машина ўз эгаси томонидан қолдириб кетилган автотураргоҳда топилди. Бу ҳақда «Мотор» хабар берди.
1997 йилда кекса эркак ўз машинасини заводлардан бирининг тураргоҳида қолдириб кетган ва бу ҳақда унутиб қўйган. Машина иншоотни бузиш ҳақида қарор қабул қилинганидан сўнг топилган.
Полиция автомобиль эгасининг шахсини аниқлаган ва унга йўқолган машинасининг топилгани ҳақида хабар қилган. Таъкидланишича, машина шунчалик занглаб кетганки, у яроқсиз ҳолга келган ва металлоломга топширилади.
Изоҳ (0)