Бухоро вилоятида коллеж ўқувчиси ўз онасини пичоқлаб қўйди. Бу ҳақда Бухоро вилояти ИИБ матбуот хизмати хабар бермоқда.
Хабар беришларича, ҳодиса Бухоро тумани Работиқалмоқ маҳалла фуқаролар йиғини Янгиобод қишлоғида юз берган.
Тумандаги Саноат касб-ҳунар коллежининг 3-курс ўқувчиси, 1999 йилда туғилган йигит уйда ўзаро келишмовчилик оқибатида 1979 йилда туғилган онасига ошхона пичоғи билан уриб, унга оғир тан жароҳати етказган.
Аёл шифохонага ётқизилгани айтилмоқда. Ҳолат юзасидан коллеж ўқувчисига нисбатан Жиноят Кодексининг 104-моддаси 1-қисми билан жиноят иши қўзғатилган.
Изоҳ (0)