Япония ҳукумати «Кўтарилаётган қуёш, кумуш нурлар» император ордени билан тақдирланган чет элликлар рўйхатини эълон қилди. Бу ҳақда Япониянинг Ўзбекистондаги элчихонаси маълум қилди.
Тақдирланганлар орасида Тошкент шаҳридаги «Фозил ота» қабристони қаровчиси Мироқил Фозилов ҳам бор. 75 ёшли Мироқил Фозилов 40 йил давомида Яккасарой тумани қабристонидаги япон фуқаролари қабрларига қараш ва ободонлаштириш билан шуғулланиб келди.
Унинг отаси ҳам 60 йил мобайнида шу иш билан машғул бўлганди. Бундан хабар топган Ўзбекистон Биринчи Президенти Ислом Каримов қабристонни унинг шарафига «Фозил ота» деб қайта номлашга кўрсатма берганди.
Қабристоннинг ҳолати собиқ япон интернлашган шахслари, уларнинг қариндошлари, япон сайёҳлари, шунингдек, Ўзбекистонга 2015 йил октябрида расмий ташриф билан келган Япония бош вазири Синдзо Абэда катта таассурот қолдирганди.
Изоҳ (0)