Саудия Арабистони бошчилигидаги араб коалицияси Яманнинг исёнчи-хусийлар назоратидаги ҳудудида йўқолиб қолган франциялик икки аёл журналистни озод қилди. Бу ҳақда «РИА Новости» хабар бермоқда.
Журналистлар Ар-Риёддаги авиабазага келтирилгани билдирилмоқда.
Al Arabiya телеканалига кўра, Саада вилоятидан Хаджа вилоятига йўл олган икки аёл 2 ноябрь куни ўғирлаб кетилган.
Шу билан бирга, Gulf News нашри журналистлар ўғирланмагани, балки Яман шимолидаги ҳарбий ҳудуд яқинида рухсатсиз сайёҳат қилганини маълум қилди. Улар инсон ҳуқуқлари бўйича миссия таркибига кирган.