Туркия расмийлари мамлакат жануби-шарқида комендантлик соати жорий этди. Бу ҳақда «ТАСС» хабар бермоқда.
Dogan агентлигига кўра, комендантлик соати Диёрбакир вилоятининг Сильван туманида минтақада аксилтеррор операцияси ўтказилиши доирасида жорий этилган.
«Комендантлик соати 16 ноябрь, маҳаллий вақт билан соат 06:00 дан бошлаб ҳуқуқ-тартибот ва фуқаролар хавфсизлигини таъминлаш мақсадида жорий этилди. Минтақада Курдистон ишчи партияси аъзолари яширингани ҳақида маълумотлар олинган. Комендантлик соати якунланиши вақти кейинчалик эълон қилинади», — деди агентликнинг Туркия ИИВдаги манбаси.
Изоҳ (0)