Ўзбекистон Президенти Шавкат Мирзиёев раислигида 15 ноябрь куни бўлиб ўтган видеоселектор йиғилишида эр-хотин ва қайнона-келин ўртасида ҳатто қотиллик жиноятлари учраётгани қайд этиб ўтилгани ҳақида аввал хабар берилган эди.
Мавзуга доир: Шавкат Мирзиёев Тошкент юридик коллежида рўй берган ҳолатлар қайтарилмаслиги зарурлигини таъкидлади
Мавзуга доир: Шавкат Мирзиёев қайнонасини ўлдирган фарғоналик келин ҳақида: «Нега бу ҳақда бирорта мақола ўқимадим?»
«Фарғона тумани Ёрдон қишлоғида келини томонидан уриб ўлдирилган қайнона фожиаси ҳам барчамизни янада ҳушёр ва огоҳ бўлишга ундайди. Зеро, қайнонани ўз онасидек биладиган халқимиз учун бу иллат мутлақо ёт-ку?!», — деб савол қўяди мақола муаллифи.
Мақола давомида Ёрдон қишлоғи масъулларидан бирининг фикри келтирилган. Унинг таъкидлашича, мазкур қотилликка қадар «бу оилада бирор марта жанжал чиқмаган».
Маҳалламизда рўй берган бу жиноятдан ҳали ҳам ўзимизга кела олмаяпмиз. Бу оила ўзига тўқ, бирор марта жанжал чиқмаган. Икки фарзанднинг онаси бўлган аёлнинг мудҳиш жиноятга қўл ургани барчамизни ҳайратга солди.Воқеа қачон, қай тарзда юз бергани, келинга нисбатан қандай чора кўрилгани ҳақида ЎзА мақоласида маълумот берилмаган.Лекин, кечаги йиғилишда Президентимиз таъкидлаганидек, бунинг асл илдизи бизнинг лоқайдлигимиз, бепарволигимиз оқибати эмасми? Демак, бу жиноятда биз, жамоат ташкилотлари, мутасадди идоралар вакиллари, қўни-қўшнилар, қариндош-уруғ, ҳамма-ҳаммамизнинг қайсидир даражада айбимиз бор.
Қундузхон Аҳмадалиева, «Ёрдон» маҳалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси
Қайд этиш жоиз, видеоселектор йиғилишида эълон қилинган маълумотларга кўра, 2017 йилнинг дастлабки 10 ойида содир этилган қотиллик жиноятларининг 165 таси эр-хотин ва қайнона-келинлар ўртасида маиший келишмовчиликлар оқибатида келиб чиққан.
Изоҳ (0)