Вазирлар Маҳкамасининг «Яқин қариндошлар орасида буйрак ва (ёки) жигар бўлагини трансплантация қилиш тартиби тўғрисидаги вақтинчалик низомни тасдиқлаш ҳақида»ги қарори билан, Ўзбекистон тиббиёти тарихида илк бор трансплантология бўйича замонавий операцияларни амалга ошириш бошланди.
Ўзбекистон Соғлиқни сақлаш вазирлиги (ССВ) матбуот хизмати ахборотига кўра, ҳозирда бундай юқори технологик операциялар мамлакатдаги учта муассаса:
- Академик V.Воҳидов номидаги Республика ихтисослаштирилган илмий-амалий жарроҳлик маркази;
- Республика шошилинч тиббий ёрдам илмий маркази;
- Тошкент шаҳар нефрология шифохонасида
Ҳукуматнинг мазкур қарорида ким донор бўла олиши ёки бўла олмаслиги масаласига ҳам аниқлик киритилган. Жумладан, қуйидаги тирик яқин қариндошлар донор бўлиши мумкин: қонунчилик асосида, ўзаро қариндош бўлган шахслар, яъни
- ота-оналар;
- туғишган ёки тутинган ака-ука ва опа-сингиллар;
- эр-хотинлар;
- фарзандлар (шу жумладан, асраб олинганлар);
- бува ва бувилар;
- набиралар;
- шунингдек, эр-хотиннинг ота-оналари, туғишган ёки тутинган ака-ука ва опа-сингиллари.
- 18 ёшга тўлмаган,
- белгиланган ҳолатда ўзини ўзи бошқара олмайдиган деб топилган,
- озодликдан маҳрум қилинган,
- I ва II гуруҳ ногиронлари,
- ҳомиладор аёллар,
- наркомания, сурункали алкоголизм ва токсиманиядан азоб чекаётган бўлса,
Трансплантация ўтказишнинг зарурати тўғрисидаги узил-кесил қарор ССВ томонидан тузилган махсус комиссия томонидан қабул қилинади.
Донордан оператив усул билан унинг бир буйраги ва (ёки) жигар бўлагини олиш учун ундан онгли равишда ва эркин ҳолатда ёзма шаклдаги розилиги олиниши керак. «Бунда у ҳар томонлама тиббий кўрикдан ўтказилиши даркор», — дейилади ССВ ахборотида.
Трансплантация бажарилгандан сўнг, донор ва реципиент камида уч йил давомида профилактик диспансер кўриги билан таъминланади. Бундан ташқари, амбулатория назоратида бўлган беморларни қонунчиликда белгиланган тартибда тегишли дори воситалари билан ҳам таъминланади.
Изоҳ (0)