Ўзбекистонда мамлакат Президенти ташаббуси билан ташкил этилаётган ҳарбий-саноат комплексига ёшлар жалб этилади. Бу ҳақда «Газета.uz» хабар бермоқда.
Хабар беришларича, 14 ноябрь куни Ўзбекистон Мудофаа вазирлиги ва Ўзбекистон Ёшлар иттифоқи ўртасида ҳамкорлик меморандуми имзоланган.
Меморандум имзоланишига бағишланган тадбир давомида мудофаа вазири ўринбосари Азиз Икромов ёшларнинг ҳарбий-саноат комлпекси корхоналарига ишга жалб этилиши ҳақидаги саволга жавоб қайтарди.
«Олий бош қўмондонимиз Шавкат Мирзиёевнинг Туркияга ташрифи давомида Ўзбекистонда махсус техника ва машиналарни ишлаб чиқарувчи корхонани ташкил этиш бўйича меморандум имзоланди. Ушбу корхоналарда иш ўринлари шакллантирилса, албатта, ёшлар унга жалб этилади», — деди Азиз Икромов.
Изоҳ (0)