Мадрид шаҳрида 14 ноябрь куни Ўзбекистон ташқи ишлар вазири Абдулазиз Комилов Испания ташқи ишлар ва ҳамкорлик вазири Алфонсо Дастис билан учрашди, дея хабар бермоқда Ўзбекистон ТИВ матбуот хизмати.
Ташқи сиёсат идоралари раҳбарлари томонидан сиёсий, савдо-иқтисодий, инвестиция, маданий-гуманитар ва бошқа соҳалардаги ҳамкорликни чуқурлаштиришда истиқболли йўналишларига алоҳида эътибор берган ҳолда давлатлараро алоқаларнинг кўплаб масалалари батафсил муҳокама қилинди ҳамда «Ўзбекистон—Европа Иттифоқи», «Марказий Осиё—Европа Иттифоқи» доирасидаги ўзаро ҳамкорлик кўриб чиқилди ва муҳим халқаро муаммолар тўғрисида фикр алмашилди.
Остона шаҳрида 9 июнь куни бўлиб ўтган Ўзбекистон Президенти Шавкат Мирзиёэвнинг Испания қироли Филипп VI билан учрашуви азалдан ишончли ва конструктив хусусиятга эга Ўзбекистон ва Испания мулоқотининг муҳим босқичи бўлганлиги мамнуният билан таъкидланди.
Испания томонининг илтимосига кўра, Абдулазиз Комилов Ўзбекистон Президентининг 10 ноябрда Самарқанд шаҳрида бўлиб ўтган «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мувзуйидаги халқаро конференцияда сўзлаган нутқининг асосий вазиятлари ва форум якунлари тўғрисида сўзлаб берди.
Суҳбатда, ўзаро товар айланишининг ўсиши, ишлаб чиқариш ва бошқа соҳалардаги қўшма лойиҳаларни амалга ошириш ҳар икки томон учун ҳам бирдек фойдали эканлигини инобатга олган ҳолда Ўзбекистон ва Испания ишбилармон доиралари ўртасида тўғридан-тўғри бизнес алоқаларини ўрнатиш ва кенгайтириш учун дипломатик қўллаб-қувватлашга томонлар тайёр эканликлари тасдиқланди.
Шунингдек, учрашувда туризм соҳасидаги алоқаларни ривожлантириш масалалари ҳам муҳокама қилинди.
Музокаралар якунига етгач, вазирлар Ўзбекистон билан Испания ўртасида авиақатнов тўғрисидаги битим ва Ўзбекистон ҳукумати билан Испания ҳукумати ўртасида халқаро автомобиль ташувлари тўғрисидаги битим имзолади.
Мазкур ҳужжатлар транспорт-коммуникация соҳасидаги икки томонлама ҳамкорликни ривожлантириш учун ҳуқуқий асос яратади, шунингдек, икки мамлакат миллий юк ташувчиларининг қатнов географиясини кенгайтиш имконини беради.
Изоҳ (0)