Aerolineas Argentinas самолёти Буэнос-Айрес аэропортига қўниш чоғида учувчисиз учиш қурилмаси билан тўқнашди. Бу ҳақда авиакомпания маълум қилди, деб хабар беради «Газета.ru».
Дрон Boeing 737-800 самолётининг тумшуғига урилди. Ҳодисадан сўнг кема парвоздан четлатилди ва техник кўрикка жўнатилди.
«У тўғри тумшуққа келиб урилди. Агар двигателга тўқнаш келганда, уни синдирган бўларди. Дрон энди бошқа учмаса керак», — вазиятга изоҳ берди кема учувчиси.
Қурилма аэропорт ҳудудига қандай келиб қолгани маълум эмас, ҳозирда расмийлар унинг операторини топишга уринмоқда.
Изоҳ (0)