Буюк британиялик муҳандис ва тадбиркор, Gravity технологик стартапининг асосчиси Ричард Браунинг ўзи яратган учар костюмда жаҳон рекордини ўрнатди. Бу ҳақда «Интерфакс» хабар берди.
Рекорд Англиянинг Рединг шаҳрида жойлашган «Лагуна» боғидаги кўлда ўрнатилди. Муҳандис учинчи уринишда костюмда соатига 51,53 километр тезликка эришган ва кеин сувга йиқилган. Шу тариқа Гиннеснинг рекордлар китобидаги янги рекордни ўрнатган.
Браунинг биринчи марта реактив учиш костюмини жорий йилнинг март ойи охирида намойиш этган. У костюмга юнон афсоналаридаги ўзига ва ўғли Икарга қанот ясаган Дедал номини берган.
Кийим олтита кичик двигателдан ташкил топган. Тўплам таркибига дисплейли кўзойнак ва енгиллаштирилган экзоскелет киради. Брауннинг фикрича, костюм соатига 100 километр тезликка ҳам эришиши мумкин, бироқ ҳозирча бу хавфсиз эмас. Костюмнинг оғирлиги 45 килограммни ташкил қилади.
Изоҳ (0)