Қорақалпоғистон Республикасида қиш мавсумида электр энергияси таъминотида юз берадиган муаммолар маҳаллалар кесимида ўрганилиб, камчиликлар бартараф этилмоқда, дея хабар бермоқда «KRuz.uz».
Жумладан, Тахиатош туманида ана шундай чоралар кўрилиб, бунга қўшимча сифатида йўллар ҳам таъмирланмоқда.
Шавкат Мирзиёев 2 октябрь куни аҳолига сифатли коммунал хизмат кўрсатиш, кўп қаватли уй-жойлар, иқтисодиёт тармоқлари ва ижтимоий соҳа объектларини куз-қиш мавсумига тайёрлаш ишларининг ҳолати таҳлилига бағишлаб ўтказган йиғилишда куз-қиш мавсумига тайёргарлик дастурлари ижросини танқидий қайта кўриб чиқиш, режалаштирилган чора-тадбирларни манзилли ва мақсадли амалга ошириш зарурлигини таъкидлаган эди.
Қиш мавсумига тўлиқ тайёргарлик кўриш ва уни беталафот ўтказиш мақсадида Ўзбекистон бўйича маҳаллалар кесимида 5 октябрдан 15 декабргача «70 кунлик фавқулодда ҳолат» эълон қилинган. Президент Девони масъул ходимлари, вазирлик ва идоралар мутасаддилари айни кунларда Қорақалпоғистон Республикаси ва Хоразм вилоятида қишга тайёргарлик жараёнини ҳар томонлама чуқур текширмоқда.
Изоҳ (0)