Қорақалпоғистон Республикаси мактабгача таълим вазири лавозимига Жумагул Уснатдинова тайинланди. Бу ҳақда «KRuz.uz» хабар бермоқда.
Жумагул Уснатдинова бунга қадар Қорақалпоғистон Республикаси халқ таълими вазири ўринбосари лавозимида ишлаган. Қодир Бектурдиев вазирликдан кетганидан сўнг, бироз муддат вазир вазифасини вақтинча бажарувчиси лавозимида ҳам фаолият юритган эди.
У меҳнат фаолияти давомида Хўжайли туманидаги мактабда, Қорақалпоғистон Республикаси Вазирлар Кенгашида турли лавозимларда ва Нукус маиший хизмат кўрсатиш ва иқтисодиёт коллежида директор лавозимларида ишлаган.
Изоҳ (0)