Инсон ҳуқуқлари бўйича миллий марказ директори, юридик фанлари доктори, профессор Акмал Саидов Наманган ИИБ шахсий таркиби билан учрашди. Бу ҳақда «Дарё»га вилоят ИИБ матбуот хизмати маълум қилди.
Учрашув «Инсон ҳуқуқлари соҳасида халқаро стандартлар ва миллий амалиёт» мавзусига бағишланди.
Акмал Саидов, марказ директори ўринбосари Аҳмаджон Исмоилов, Қонунчилик палатаси депутати Иброҳим Ҳожиев ички ишлар органлари тизимини тубдан ислоҳ қилиш, фаолияти самарадорлигини янги босқичга кўтариш юзасидан амалга оширилаётган ислоҳотлар мазмун-моҳияти ҳақида гапирди, саволларга атрофлича жавоб берди.
Тадбир давомида вилоят ички ишлар бошқармаси бошлиғи Азиз Тошпўлатовга миллий марказ томонидан чоп этилган адабиётлар ҳамда Европада хавфсизлик ва ҳамкорлик ташкилотининг «Ҳуқуқни муҳофаза қилувчи органлар ходимлари учун инсон ҳуқуқлари бўйича таълим соҳасидаги раҳбарий принциплар» қўлланмаси тақдим этилди.
Изоҳ (0)