Россиянинг АҚШга нисбатан дўстона муносабати бутун дунё учун фойдали бўлар эди. Бу ҳақда АҚШ президенти Дональд Трамп Ханойда, Вьетнам президенти Чан Дай Куанг билан матбуот анжуманидаги чиқишида маълум қилди, деб хабар беради «Газета.ru».
«Россия АҚШ билан муносабатларда дўстона ёндашув йўлини тутса, бу Америка томони ва бутун дунё учун катта наф келтирган бўларди», — деди Трамп.
Шунингдек, у АҚШ Россияга қарши жорий этган санкцияларга изоҳ берди.
«Россияга қарши ўта оғир ва жуда юқори даражадаги санкциялар қўлланди. Бу яқинда рўй берди. Бироқ қадди букилган дунёга малҳам қўйиш вақти келди», — таъкидлади АҚШ президенти.
Изоҳ (0)