Колумбияда мамлакат пойтахти Боготадан Виллавинченсио шаҳрига йўл олган сайёҳлик автобуси жарликка қулаши оқибатида уч киши ҳалок бўлди. Бу ҳақда «РБК» хабар бермоқда.
RCN радиосига кўра, автобус 150 метр баландликдан пастга қулади.
Жами 23 киши бўлган автобусдаги уч йўловчи ҳалок бўлди, камида 13 киши яраланди. Жароҳатланганлар касалхонага етказилди.
Полиция барча қурбонлар бир оила аъзолари эканлигини билдирди. Фожианинг дастлабки сабаби сифатида автобуснинг техник носозлиги кўрсатилмоқда.
Изоҳ (0)