Гиннеснинг рекордлар китоби вакиллари йил сарҳисобини қилиш жараёнида турли соҳаларда эришилган қизиқарли муваффақиятлар билан таништирадиган ажойиб маълумотлар тайёрламоқда, деб ёзади National Geographic.
Рапид-ситида жойлашган «Судралиб юрувчилар боғи» рекордлар китобидан жаҳондаги ўз йўналиши бўйича энг йирик боғ сифатида ўрин олган.
У 1937 йилда маҳаллий «илонсевар» лардан бири 21 ёшли Эрл Броклсби томонидан ташкил этилган.
XXI асрда ҳам «Судралиб юрувчилар боғи» ташриф буюрувчиларни ҳайратлантирмоқда. Унда сақланаётган жониворларнинг аксарияти рекорд натижаларни қайд этган судралиб юрувчилар турларига мансубдир.
Бу ерда филсимон тошбақаларни учратиш мумкин. Мазкур судралиб юрувчи тошбақаларнинг бошқа турлари орасида энг секин ҳаракатланадигани, деб тан олинган. Унинг тезлиги соатига 0,37 километрни ташкил этади.
Таққослаш учун: Косаси теридан иборат тошбақа соатига 10 километргача ҳаракатланади.
Филсимон тошбақанинг узунлиги 1,8 метр, оғирлиги 400 килограммни ташкил этиб, у дунёдаги энг йирик тошбақа ҳисобланади.
Боғда рекорд натижаларни қайд этган судралувчилар орасида дунёдаги энг заҳарли, энг узун, энг чаққон илонларни ва яна кўплаб ажабтовур ҳайвонларни кўриш мумкин.
Изоҳ (0)