Осиё Футбол Конфедерацияси президенти Шайх Салмон бин Иброҳим Ал-Ҳалифа 3 декабрь куни Тошкентга ташриф буюради. Бу ҳақда ЎФФ матбуот хизмати хабар берди.
Президент алмашгач, ЎФФ ҳисоб рақамига келиб тушадиган пуллар ҳақида ахборот беришни бошлади
Кеча — 9 ноябрь куни ЎФФ президенти Умид Аҳмаджонов Куала-Лумпурда ОФК етакчиси билан учрашув ўтказиб, бир қатор масалалар юзасидан келишувга эришган ҳамда Шайх Салмонни Тошкентга таклиф қилган.Ташрифи давомида Шайх Салмон бир қатор лойиҳалар билан танишади. Шунингдек, 4 декабрь куни «Бунёдкор» стадиони мезбонлик қиладиган Ўзбекистон Кубогининг финал учрашувига келади ҳамда ғолиб жамоага мамлакат кубогини шахсан топширади.
Ўзаро келишувга кўра, ОФК Ўзбекистоннинг уч нуқтаси — Андижон, Сурхондарё ва Хоразм вилоятларида болалар учун мўлжалланган мини-футбол майдончалари қуриб беради. Қўшимчасига «Чиғатой» ўрнида барпо этилган терма жамоалар марказига қарашли сунъий қопламали майдон тўлалигича реконструкция қилиниши кўзда тутилган бўлиб, ОФК бу иш учун яна 600 минг АҚШ доллари беради.
Шайх Салмон 5 декабрь куни ортга қайтади.
Изоҳ (0)