Кеча — 8 ноябрь куни Ўзбекистон Олий Лигасида тарихий воқеа юз бериб, Фарғонанинг «Нефтчи» клуби илк бор Биринчи Лигага тушиб кетди. Олий Лигага асос солинган 1992 йилдан буён «Нефтчи» Олий Лигадаги ўрнини сақлаб келаётганди.
Вадим Абрамов жамоаси элитадаги ўрнини сақлаб қолиш учун кураш олиб бораётганди. Бироқ ПФЛ 2018 йилдан буён Олий Лигада 12 та жамоа қолади деган қарорини эълон қилди ва ўз регламентини ўзгартириб, дастлабки 11 та ўринни эгаллаган клубларгина жон сақлаб қолишини айтди. Мазкур ҳолат «Нефтчи» учун қимматга тушди. Бунга қадар Тошкентнинг «Обод» ва Ғузорнинг «Шўртан» клублари ҳам элита билан хайрлашганди.
«Нефтчи» ўзи учун қора кунга айланган санада Самарқандда «Динамо» меҳмони бўлди. «Пахтакор»да раҳбарият алмашганидан кейин жамоадан кетган ва Самарқандга кўчиб ўтган Аднан Ораховацнинг сўнгги дақиқадаги голи «Нефтчи» мухлисларининг умидини пучга чиқарди.
Вадим Абрамов: Жамоалар 12 та қолар экан. Футболчилар шокда, машғулотларни йиғиштириб қўяверайликми?
Вадим Абрамов «Нефтчи»ни илк бор 14 июнь куни майдонга бошлаб тушган бўлиб, дебют ўйинида айнан «Динамо»га имкониятни бой берганди — 2:3. Такрорий ўйинда ҳам фарғоналик футболчилар мағлуб бўлди. Шу тариқа «Нефтчи» ўз тарихидаги энг паст кўрсаткични қайд этди.Вадим Абрамов ва Игорь Шквириндан кейин Самарқанднинг «Динамо» клуби ҳам ЎФФ қарорига қарши чиқди (видео)
Эндиликда «Сўғдиёна», «Қизилқум» ва «Динамо» жамоалари жон сақлаб қолиш учун курашда бўлади. Мазкур клубларнинг дастлабки 2 таси кеча йирик ҳисобларда енгилди ва ўз дарвозасидан 4 тадан гол олиб чиқди.Футбол журналистлари 12 талик лига таклиф қилгани рост. Бироқ ЎФФ ва ПФЛ умуман бошқа йўлдан юргани ҳам ҳақиқат
Бугун Олий Лига 28-турининг яна 3 та ўйини бўлиб ўтади ва унда етакчилар ҳаракат қилади. Чемпионлик учун асосий даъвогар бўлган «Локомотив» марказий ўйинларнинг бирида бухоролик футболчиларни таслим қилиб улгурди ва кетма-кет иккинчи чемпионлик сари қадам ташлади. Агар бугун «Насаф» очко йўқоца, «темирйўлчилар» олтин медалларга муддатидан аввал эга чиқади.Хайр, «Шўртан»! Тошкентнинг «Обод» клубидан кейин Ғузор жамоаси ҳам элита билан хайрлашди
Ўзбекистон Олий Лигаси 28-тур беллашувлари 8 ноябрь, чоршанба«Динамо» — «Нефтчи» 1:0
Гол: Аднан Ораховац, 93+ (1:0).«Машъал» — «Қизилқум» 4:0
Голлар: Игорь Тиманюк, 14 (1:0). Никита Павленко, 20 (2:0). Ҳумоюн Муртазоев, 72 (3:0). Шаҳзод Шайманов, 84 (4:0).«Локомотив» — «Бухоро» 2:0
Голлар: Сардор Мирзаев, 6 (1:0). Мурод Бобожонов, 18 (2:0).«Навбаҳор» — «Сўғдиёна» 4:1
Голлар: Аъзам Алиев, 29 (1:0). Неманя Ёванович, 38 (2:0). Санжар Рашидов, 54 (2:1). Азизбек Турғунбоев, 55 (3:1). Аббос Отахонов, 70 (4:1).9 ноябрь, пайшанба«Қўқон-1912» — «Бунёдкор» 15:00«Пахтакор» — «Олмалиқ» 17:00«Насаф» — «Шўртан» 17:00
Изоҳ (0)