ТесhInsights нашри экспертлари Apple компаниясининг iPhone X смартфони ишлаб чиқариш харажатларини аниқлади. Бу ҳақда «Корреспондент.net» хабар бермоқда.
Маълум бўлишича, бир гаджет учун бутловчиларнинг улгуржи қиймати 357,50 доллардан иборат.
Смартфон нархи бугунги кунда 999 доллардан бошланмоқда ва бу Apple тарихидаги энг баланд кўрсаткич. Таққослаш учун, iPhone 8 нархи ишлаб чиқилган жойда 699 доллардан иборат.
Бутловчилар бўйича гаджетда энг қиммати донаси 65,50 доллар бўлган 5,8 дюймли OLED-дисплей эканлиги маълум. Гаджет рамкаси 36 доллар, алюминий корпуси эса 21,50 доллар баҳоланди.
Бироқ экспертлар мазкур ҳисоб-китоблар фақат бутловчиларга тегишли эканлиги, йиллар сарфланган ишланмалар ва изланишларни ўз ичига олмаганлигини таъкидламоқда.
Изоҳ (0)