Twitter барча фойдаланувчилар учун твитдаги белгилар чекловини 140 тадан 280 тагача узайтирди. Бу ҳақда компания блогига таяниб, TJournal хабар берди.
Ушбу янгиланиш япон, хитой ва корейс тилидаги фойдаланувчилардан бошқа барчага тегишли. Чунки улар кам миқдордаги белгилар билан кўпроқ фикр ёза олади. Бу каби имкониятдан яқин кунлар ичида барча фойдаланиши мумкин бўлади.
Сентябрь ойи охирида компания ушбу янгиликни фойдаланувчиларнинг кичик гуруҳи орқали синаб кўрган эди. Бундай қарорга келинишига сабаб, турли тиллардаги айнан ўша сўзларни ёзиш учун турли миқдордаги белгилар зарур бўлади. Бу эса инглиз тилидаги фойдаланувчилар учун муаммо туғдирган.
Тест жараёни вақтида Twitter фойдаланувчиларининг 5 фоизигина 140 та белгидан иборат хабар юборган, 190 та белгидан узунроқ хабарлар эса 2 фоизни ташкил этган. Компаниянинг маълум қилишича, узунроқ твит ёзганлар кўплоқ «лайк», ретвит ва обуначиларга эга бўлган.
Изоҳ (0)