Саудия Арабистони шаҳзодаси Абдулазиз бин Фаҳд аксилкоррупциявий тозалаш доирасидаги ҳибсга олиш чоғида юз берган отишмада ҳалок бўлди. Бу ҳақда Daily Sabah манбаларига таяниб, «Коммерсантъ» хабар бермоқда.
Шаҳзода Абдулазиз марҳум подшоҳ Фаҳднинг кенжа ўғли ҳисобланади.
Мамлакат ахборот вазирлиги мазкур маълумотга изоҳ берар экан, «ОАВда тарқалаётган миш-мишларда асос йўқлиги, шаҳзода Абдулазиз тирик ва саломат» эканлигини маълум қилди.
Эслатиб ўтамиз, Саудия Арабистонининг коррупцияга қарши қўмитаси 11 нафар шаҳзода, бир неча вазир ва ҳукуматнинг 38 нафар собиқ аъзосини ҳибсга олишга санкция берди. Яқинда пайдо бўлган ушбу ташкилотни валиаҳд шаҳзода Муҳаммад бин Салмон бошқарди. Экспертлар у шу тариқа ҳокимиятга йўлни тозалаётганини билдирмоқда.
Изоҳ (0)