Амур вилоятининг Экимчан аэропорти яқинида Ан-2 самолёти ҳалокатга учрашига двигатель носозлиги сабаб бўлди. Бу ҳақда Благовешченск транспорт прокуратураси маълум қилди, дея хабар беради «Интерфакс».
« ‘ДальТрансАэрo’га ижара ҳуқуқи асосида тегишли бўлган Ан-2 РА – 02305 самолёти маҳаллий вақт билан 8:45 да кўкка кўтарилди. Парвоздан, тахминан, 10 дақиқа ўтиб, самолётда шовқин овози эшитилган, двигатель беқарор, овоз чиқариб ишлаган», — аниқлик киритди прокуратура вакиллари.
Натижада двигатель ишдан чиққан ва самолёт аэропорт учиш-қўниш майдонига 600 метр етиб бормай, Покровский ключ ҳудудида қаттиқ қўнди.
Қўниш чоғи ҳаво кемаси шикастланди ва аланга ичида қолди. Кема командири омон қолди, йўриқчи олинган куйиш жароҳатлари оқибатида оламдан ўтди.
Изоҳ (0)