АҚШ Федерал қидирув бюросининг (ФҚБ) Техас штатидаги Сазерленд-Спрингс шаҳрида рўй берган оммавий қотилликни тафтиш қилаётган агентлари жиноятчининг телефонини блокдан чиқара олмаяпти. Бу ҳақда Meduza хабар бермоқда.
ФҚБ махсус агенти Крис Комбсга кўра, шифрлаш технологияларининг ривожланиши билан ҳуқуқ-тартибот органлари телефонлардаги маълумотларни олишда борган сайин кўпроқ қийинчиликка учрамоқда.
«Мен телефон моделини ошкор этиб, бу билан ҳар бир жиноятчига қандай телефон сотиб олишни айтиб беришни айтмоқчи эмасман», — деди у.
Олдинроқ ФҚБ директори Кристофер Рэй жиноятчиларнинг гаджетларидаги маълумотларни олиш имконияти йўқлигидан нолиган эди. Унинг сўзларига қараганда, охирги йил давомида федерал ходимлари 6,9 минг ускунани блокдан чиқара олмаган, бу эса жиноятларни фош қилиш кўрсаткичларига салбий таъсир кўрсатган.
Эслатиб ўтамиз, Сазерленд-Спрингсдаги отишма оқибатида 26 киши ҳалок бўлди.
Изоҳ (0)