Терговчилар 8 ноябрь, чоршанба куни Россиянинг собиқ иқтисодиёт вазири Алексей Улюкаевнинг иши бўйича судга 2 миллион доллар келтирди. Бу ҳақда Meduza хабар бермоқда.
Залга қути ва полиэтилен пакет келтирилди. Қутига унинг ичида 1,8 миллион доллар жойлаштирилгани ёзилган. Пакетда юз долларлик купюрада 200 минг доллар борлиги тахмин қилинди.
2 миллион доллар — тергов тахминига кўра Улюкаев 2016 йилда «Роснефть» раҳбари Игорь Сечиндан олган пора суммаси.
Судга мазкур пуллар нега келтирилганига терговчилар аниқлик киритмади.
Улюкаев пулни пора сифатида олган ёки олмаганлиги ҳақидаги саволга жавоб беришдан бош торди.
Изоҳ (0)