«Ўзбекистон ҳаво йўллари» миллий авиакомпанияси туркиялик эксперт Ўрхон Сивриқаяни стратегик ривожланиш бўйича маслаҳатчи сифатида жалб қилди. Бу ҳақда «Газета.uz» хабар бермоқда.
Туркиялик маслаҳатчини жалб қилиш масаласи октябрь ойида Ўзбекистон Президенти бошчилигидаги делегациянинг Туркияга ташрифи чоғида кўриб чиқилган эди.
Ўрхон Сивриқая (1967 йили туғилган) — техник фанлар доктори, фуқаро авиацияси соҳасида машҳур топ-менежер. Босфор университетини битирган Сивриқая Туркияда, Европада ва Шимолий Америкада масъулиятли мансабларда ишлаган.Яқингача у Turkish Airlines авиакомпанияси вице-президенти лавозимини эгаллаб турган эди.
Ўрхон Сивриқая 6 ноябрдан «Ўзбекистон ҳаво йўлларидаги» фаолиятини бошлади. Унинг жавобгарлик соҳалари сирасига авиакомпания стратегиясини ишлаб чиқиш, рейслар жадвали оптимизациясива самолётлар паркини режалаштириш, маркетинг ва сотувлар, шунингдек, ахборот технологияларини жалб қилиш киради.
Муқаддам туркиялик собиқ депутат Содиқ Бадак Ўзбекистон туризмни ривожлантириш давлат қўмитаси раисига маслаҳатчи сифатида иш бошлаган эди.
Изоҳ (0)