Иссиқ сувда куйиш кўпинча ошхонада юз беради. Куйиш натижасида пайдо бўладиган оғриқларни камайтириш ва бошқа кўнгилсиз оқибатларнинг олдини олиш учун қандай чоралар кўриш керак?
Иссиқ сувда куйиш уч даражага ажратилади:
1-даражали куйиш
Фақат эпидермис қаватининг юзаси шикастланади. Куйиш натижасида тери қизаради, шишади, лекин оғриққа чидаш мумкин бўлади.
2-даражали куйиш
Бундай куйиш анча жиддий ҳисобланади, чунки терининг юза қатламидан ташқари кейинги қатлами ҳам шикастланади. Оғриқ жуда кучли бўлади, куйган жой шишади, тери устида бироз вақтдан кейин ўзи ёриладиган пуфаклар пайдо бўлади.
3-даражали куйиш
Терининг ҳамма қаватлари шунчалик кучли шикастланадики, бундай ҳолат ва чидаб бўлмайдиган оғриқларни қолдириш учун ҳам тезликда тиббий ёрдам талаб қилинади.
Терига қайноқ тув томчилари тушганда кучли оғриқ пайдо бўлади, лекин агар шикастланган жойни дарҳол оқиб турган совуқ сув тагига ёки совуқ сув солинган идишга 5 дақиқа қўйиб турилса оғриқ тезроқ ўтиб кетади.
Иссиқ сувда 2-даражали куйишда совуқ сувнинг таъсири 15 дақиқа керак бўлади. Терининг шикастланган соҳасига совуқ сувда ҳўлланган сочиқ ёки полиэтилен пакетга солинган муз қўйиш мумкин.
Аввал терининг куйиш даражасини аниқлаб олиш зарур, лекин бу албатта, оғриқни камайтирганингиздан кейин. Агар у бир неча дақиқадан кейин ҳам ўтиб кетмаса, терининг усти қизариб кетса ва пуфаклар пайдо бўлса, унда яхшиси тиббий ёрдамга мурожаат қилганингиз маъқул.
Уйда сақланадиган дори-дармонлар орасида куйишда тез ёрдам кўрсатиш воситалари ҳам бўлиши лозим. Бундай воситалар ичида куйган жойга суриладиган алоэ вера гели энг ишончли ҳисобланади. Агар хоҳласангиз бу малҳамни суриб уни зарарсизлантирилган бинт билан боғлаб қўйишингиз ҳам мумкин, лекин агар яра «нафас олса» тезроқ тузалади.
Манба: «Zdorovie.com»
Изоҳ (0)