Динозаврларнинг қирилиб кетишига олиб келган астероид Ер иқлимини тубдан ўзгартириб юборгани аниқланди

Олимлар бундан 66 миллион йил олдин Ерга тушган, диаметри 12 километрга тенг астероиднинг глобал иқлимга етказган таъсири бўйича аниқроқ тасаввурга эга бўлди, деб хабар берди «Наука».

Ушбу астероиднинг тушганини Мексикадаги Чиксулуб кратери исботлайди. Ҳодиса оқибатида Мел-палеоген қирилиш вужудга келган, атмосфера олтингугурт ва карбонат ангидрид газига тўлган.

Буни аниқлаш учун АҚШ Планетология институти ва London Imperial College’и мутахассислари астероид зарбаси ва у келтириб чиқарган оқибатларнинг батафсил моделини яратди.

Тўқнашув 60 градус бурчак остида, камида сониясига 1 километр тезликда содир бўлган. Бу нафақат динозаврларнинг қирилиб кетишига сабаб бўлган, балки атмосферага 300 миллиард тоннадан ортиқ олтингугурт ва 400 миллиард тоннадан ортиқ карбонат ангидрид гази тушган. Шунингдек, бир неча йил глобал паст ҳарорат кузатилган.

Газларнинг бу қадар ҳажми ҳаво ҳароратини 26 даража Цельсийга тушириб юборган ва бу каби ҳолат уч йил давом этган.