Мисрдаги Хеопс пирамидасининг ичида нима учун мўлжалланганлиги номаълум бўлган катта бўшлиқ аниқланди. Бу XIX асрдан буён пирамидадаги биринчи топилма ҳисобланади. Япон, француз ва миср олимларининг тадқиқоти Nature томонидан эълон қилинди.
Бўшлиқ пирамиданинг қарийб марказида жойлашган. Бўшлиқнинг кўндаланг кесими 30 метрга етади, бу эса уни фиръавн хонасига олиб борадиган галереяга тенглаштиради.
Кашфиёт мюон радиографияси методи ёрдамида қилинган. Мазкур методда тарқалиш муҳитига қараб ҳаракат йўналишини ўзгартирувчи мюон оқимларидан фойдаланилади.
Хеопс пирамидаси тўрт ярим минг йил аввал қурилган ва Қадимги дунёнинг бу типдаги энг йирик ёдгорлиги ҳисобланади. Милоднинг XIV асрига қадар пирамида дунёдаги энг баланд иншоот бўлган (147 метр). Пирамида бугунги кунга қадар сақланиб қолган дунёдаги етти мўъжизанинг ягонаси ҳисобланади.
Изоҳ (0)