Тошкент шаҳрининг Чилонзор туманида 1 ноябрь куни соат тахминан 23:30 да номаълум шахс маст ҳолда бир кишини дўппослаб, унга оғир тан жароҳати етказган. Жабрланувчи Республика шошилинч тиббий ёрдам илмий марказига олиб борилган, бироқ олинган жароҳатлар натижасида 2 ноябрь куни шифохонада вафот этган.
Тошкент шаҳар ИИББ матбуот хизматининг хабар беришича, жабрланувчи шифохонага олиб келинганида, унга «Бош мия очиқ жароҳати. Бош мия оғир даражали лат ейиши. Бош мия эзилиши. Чап ён энса суягининг синиши» ташхиси қўйилган.
«Тергов-тезкор тадбирлар натижасида, мазкур жиноятни Алексей Каскинов содир этганлиги тасдиқланиб, ушланган», — дейилади шаҳар ИИББ ахборотида.
Каскиновнинг хатти-ҳаракатлари Жиноят кодекси 104-моддаси 3-қисми «д» банди (жабрланувчининг ўлимига сабаб бўлган қасддан баданга оғир шикаст етказиш) билан малакаланиб, унга нисбатан қамоққа олиш тарзидаги эҳтиёт чораси танланган.
«Ҳозирда дастлабки тергов ҳаракатлари давом эттирилмоқда», — дейилади ИИББ хабарида.
Изоҳ (0)