Американинг Improv Everywhere комик-ижодкорлар коллективи Нью-Йоркдаги метро станцияси ёнида сохта Apple дўкони очиб, аҳоли билан ҳазиллашди. Ҳазил ишончли чиқиши учун улар iPhone’ни «сотиб олиш мақсадида» 50 кишидан иборат навбат ҳосил қилишди, деб хабар берди TJournal.
Импров Эверйҳwере жамоаси Манхэттен ҳудудидаги станциянинг лифтига Apple’нинг катта логотипини илиб қўйди. Шундан сўнг унинг ёнига бир нечта «Apple Store ходимлари» жойлаштирилди. Навбатда турган «харидорлар» ҳам ҳазилнинг бир қисми бўлиб, улар лифт орқали пастга тушган ва бироздан сўнг қўлида янги iPhone билан чиқиб келган.
Бу атрофдагиларнинг диққатини ўзига жалб этган. Ташкилотчиларнинг сўзларига кўра, одамлар iPhone X сотиб олиш учун навбатга тура бошлаган. Шунда Apple Store ходимлари кийимида бўлган комиклар уларнинг ёнига борган ва атига 50 дона қурилма қолганини ҳамда уларга навбат етиб келмаслигини айтган.
Improv Everywhere’нинг маълум қилишича, битта жуфтлик «ҳар эҳтимолга қарши» навбатда туришга қарор қилган. Шунда ташкилотчилар уларни лифт орқали метро станциясига туширган ва уларнинг қўлига iPhone’нинг бўш қутисини топширган.
Изоҳ (0)