Швецияга мушугини қутқариш учун қайтган Россия фуқароси Тамерлан Мусаев чегарани ноқонуний кесиб ўтгани учун бир ойга қамалди, деб хабар беради TJournal.
Тамерлан Мусаевга 2015 йилда Швецияга кириш тақиқланган эди.
У 2017 йилнинг 12 октябрида Даниядан Швецияга автобусда кетаётганида қўлга олинган. Россия фуқароси мамлакатга Борас шаҳридаги ҳайвонлар бошпанасидан мушугини олиш учун кирганини маълум қилган. Мусаев адвокатининг сўзларига кўра, ҳайвон жуда қўрқоқ ва нотаниш инсонлардан қўрқади.
«Мен Швецияга ҳақиқатдан ҳам мушугимни олиб келиш учун боргандим. Бу ҳаракатни жиноят деб ҳисобламайман. Мен ўз айбимга иқрор бўла олмайман. Чунки қонунни буздим, деб ўйламайман. Агар мушугим бўлмаганда мен бу ерга келмаган бўлардим», — дейди Мусаев.
Мусаевнинг ҳибсга олингани ҳақида 22 октябрь куни маълум қилинган эди. У 12 ноябрь куни озодликка чиқади ва шундан сўнг Россияга депорт қилинади.
Изоҳ (0)