2 ноябрнинг эътиборга молик янгиликлари — «Дарё»нинг кечки дайжестида.
1. Нью-Йоркдаги теракт ижрочиси Сайфулло Соипов судда қилган ишидан пушаймонлигини билдирмади. Трамп унга нисбатан ўлим жазосини қўллаш таклифини илгари сурди.
2. АҚШ «Грин кард» виза лотереясини ҳозирча тўхтатмайди. Айни вақтда, Оқ уй Ўзбекистон фуқароларининг АҚШга кириши чекланиши мумкинлигини истисно қилмаслигини билдирди.
3. Бруклиндаги ўзбек жамоатчилиги Нью-Йоркдаги терактни қоралади. Бруклинда яшовчи таниқли ўзбек фаолларидан бири Мирраҳмат Мўминовнинг айтишича, Сайфулло Соипов АҚШга кўчиб келганидан кейингина ўз қарашларини ўзгартириб, радикаллашган.
4. Ўзбекистон Ички ишлар вазирлиги ОАВ ва интернетни тун-у кун мониторинг қилади. Ўз навбатида, нотўғри хабар ёки ички ишлар органлари обрўсига путур етказувчи материалларга зудлик билан муносабат билдиради.
5. Видео: Тошкентда юз берган автобус ҳайдовчилари муштлашуви. Пойтахтда бу янгилик эмас.
Изоҳ (0)