Навоий шаҳри ва Ўзбекистоннинг яна бошқа 7 минтақасида иш бошлаган заводлар жуда катта ҳажмдаги чиқиндиларни қайта ишлаш имконини берувчи замонавий қурилмалар билан жиҳозланган. Бу ҳақда «Sensorika.uz» хабар бермоқда.
Жумладан, Навоий шаҳридаги корхона бир кунда 200 тоннага яқин қаттиқ маиший чиқиндиларни сортировка қилади ва қайта ишлайди. Бир йил мобайнида бу кўрсаткич 60-65 минг тоннани ташкил этади.
Қорақалпоғистонда яқинда ишга туширилган заводда эса йилига 78 минг чиқиндини қайта ишлаш мумкин.
Навоий ва Қорақалпоғистондан ташқари чиқиндиларни қайта ишлаш корхоналари Бухоро вилоятининг Когон ва Сирдарё вилоятининг Мирзаобод туманларида ҳам иш бошлади.
Кўрилаётган чоралар мамлакат аҳолисидан қаттиқ чиқиндиларни марказлаштирилган ҳолда олиб кетиш кўламини ҳозирги 63 фоиздан 2021 йилда 93 фоизгача кўтариш имконини бериши билдирилмоқда.
Изоҳ (0)