Россия ички ишлар вазирлиги Европадан Россияга наркотик моддалар ташийдиган жиноий ташкилотни фош этиш бўйича операция ўтказди. Бу ҳақда «РБК» хабар бермоқда.
«Операция жараёнида 100 килограмдан ортиқ ноқонуний наркотик моддалар ва яна шунча наркотик ишлаб чиқариш учун олиб келинган хом ашё мусодара қилинди», — дейилади хабарда.
Уфа шаҳридаги иккита шаҳар қабристонида наркотик моддалар сақланадиган 240 та махфий жой аниқланди.
Ростов вилоятида эса синтетик наркотиклар ишлаб чиқариладиган лаборатория аниқланди. Мазкур лабораторияда мефедрон моддаси ишлаб чиқарилган.
Текширувлар жараёнида 20 килограмм тайёр наркотик ва 100 килограмм хом ашё далилий исбот сифатида олинган. Транспорт полицияси вакиллари синтетик наркотиклар ишлаб чиқаришга алоқадор бўлган икки кишини қўлга олган.
Изоҳ (0)