Суриянинг Алеппо вилоятида 198 нафар жангари расмийларга таслим бўлди. Бу ҳақда Россиянинг можаро томонларини яраштириш маркази вакили Сослан Себоев маълум қилди, дея хабар беради «Ведомости».
«Ноқонуний қуролли тузилмалар қатнашчиларини Алеппонинг шарқий қисмидан олиб чиқиш, хавфсизлигини таъминлаган ҳолда кузатиб бориш ва келгусида авф этиш ҳақида келишувга эришилди», — деди Себоев.
Жангарилар ҳукумат назоратида бўлмаган ҳудуддан назорат-ўтказиш пункти орқали олиб чиқилди.
Пунктда Сурия махсус хизматлари ходимлари уларни бирма-бир кўздан кечирди. Россия ҳарбий полицияси ҳудуд хавфсизлигини таъминлади.
Вилоят маъмурияти вакили Абдулла Ҳусайнга кўра, таслим бўлган жангариларнинг аксари авф этилади.
Изоҳ (0)