Россияда фирибгарлик учун қамоқ муддатини ўтаётган ва иккинчи иш бўйича ҳукмни кутаётган собиқ банкир Максим Серкин колонияда туриб молиявий пирамида ташкил қилган, у эса омонатчилардан 6 миллиард рублдан ортиқ пул ўғирлаган, деб ёзади «Коммерсантъ».
Маҳкум 17 та ҳудудда фаолият олиб борган кредит-истеъмолчилик кооперативларини синглиси Екатерина Дружинина орқали бошқарган, ўз фармойишларини мессенжерлар орқали юборган. Аёл айни пайтда ҳибсга олинган. Бу иш бўйича жами саккиз киши қўлга олинган. 30—31 октябрь кунлари ИИВ ходимлари турли ҳудудлардаги 180 та манзил бўйича тинтувлар ўтказди.
22 та кооперативдан иборат молиявий пирамида 2013 йилдан бошлаб юқори дивидендларни ваъда қилган ҳолда, кўп хонадонли уйлар ва бизнес-марказлар қуриш учун омонатчиларнинг пулларини жалб қилган. Тўловлар янги мижозлар ҳисобидан амалга оширилган. Ёзда пирамида қулаган ва омонатчилар ҳуқуқ-тартибот органларига мурожаат қилишни бошлаган.
Серкин илгари «Востоккредитбанк» директорлар кенгаши раиси бўлган, у 2011 йилда банкротликка учраган. Шундан сўнг у «Грант» қурилиш холдингини бошқарган.
Изоҳ (0)