«Ракета» бренди остида соат ишлаб чиқарувчи завод Октябрь инқилобининг юбилейига атаб чекланган миқдорда ўз моделини тақдим этди. Соат моделининг дизайнини Романовлар қироллик сулоласининг авлоди, княз Ротислав Романов яратган бўлиб, у қора корпус ва қора камардан иборат, деб хабар берди Rambler.
Ротислав Романов инқилоб оқибатида ҳалок бўлганлар хотираси шарафига соат сиферблатларига ўз қонини томизди.
«Биз ҳалок бўлган миллионлаб русларнинг унутилишига йўл қўймаслигимиз керак, улар ким бўлишидан қатъи назар: оқ гвардиячилар бўладими ёки ишчилар, роҳиблар, деҳқонлар ёки Николай II бошчилигидаги қироллик оиласи бўладими, фарқи йўқ. Биз рус тарихидаги ушбу воқеани чуқур қайғу билан ёдга олишимиз керак. Бу ерда байрам қилиш учун сабаб йўқ. Шунинг учун биз инқилоб чалкашликларида тўкилган қонлар рамзи сифатида томчи қон томизилган қора соатларни чиқаришга қарор қилдик», — дейди Романов.
Изоҳ (0)