Россия Премьер-Лигасининг 15-туридан кейин Москванинг «Локомотив» клуби пешқадамга айланди.
Ўзбекистонлик Виталий Денисов тўп сурадиган «темирйўлчилар» марказий ўйинни Санкт-Петербургда «Зенит»га қарши ўтказиб, 3:0 ҳисобида зафар қучди. Шу куни Виталий Денисов ўйинга тушмади.
Бунгача «Локомотив» Роберто Манчини бошқараётган «Зенит» билан бир хилда очкога эга бўлиб турганди. Йирик мағлубият сабаб питерликлар бир поғона шўнғишга мажбур бўлди.
Элдор Шомуродов эса мамлакатнинг амалдаги чемпиони ҳисобланган «Спартак»га қарши беллашувнинг 76-дақиқасида кўриниш берди. Якунда ростовликлар мағлубиятдан қутулиб қолиб, 1 очкони қўлга киритди.
Элдор Шомуродовнинг ноаниқ пенальтиси сабаб «Ростов» Россия Кубогидан чиқиб кетди
Вагиз Галиулин «Тосно» сафида мавсумдаги учинчи голини уришга муваффақ бўлди. Айнан унинг голи жамоасига 3 очко тақдим этди. Бунда «Тосно» дарвозабони пенальти қайтарганини ҳам эътироф этиш керак.Галиулин бунгача Тулада «Арсенал» постига гол уриб, жамоасининг 2:1 ҳисобидаги ғалабасини таъминлаган, кейинроқ Вадим Афонин ҳаракат қиладиган «Анжи» дарвозасини ишғол қилиб, 2:2 ҳисобидаги дурангга сабаб бўлганди. «Динамо»га қарши ўйинда бош мураббий Вагизни 55-дақиқада захирага чақириб олди.
Бугун — 30 октябрь куни Вадим Афонин тўп сурадиган «Анжи» Грознийда «Ахмат»га қарши саф тортади.
Россия Премьер-Лигаси 15-тур беллашувлари 28 октябрь, шанба
«Ростов» — «Спартак» 2:2
Голлар: Алексей Ионов, 20 (1:0). Фернандо, 31 (1:1). Денис Глушаков, 34 (1:2). Мацей Вилюш, 87 (2:2).29 октябрь, якшанба
«Зенит» — «Локомотив» 0:3
Голлар: Жефферсон Фарфан, 57 (0:1). Жефферсон Фарфан, 69 (0:2). Алексей Миранчук, 77 (0:3).«Динамо» — «Тосно» 0:1
Гол: Вагиз Галиулин, 9 (0:1).Ноаниқ пенальти: Александр Ташев, 60 (Д).30 октябрь, душанба«Ахмат» — «Анжи»
Изоҳ (0)