30 октябрнинг эътиборга молик янгиликлари — «Дарё»нинг кечки дайжестида.
1. Хоразм, Қорақалпоғистон ва Навоий «бажариб бўлган» пахта режасини қайтадан бажаради. Улардан ташқари яна беш вилоят пахта ҳосилига қўшиб ёзган. Жиззах, Тошкент вилоятлари ҳокимлари шу сабаб ишдан кетди.
2. Жасур Иброҳимовнинг ўлимида айбдор деб топилган Исломбек Тўлаганов 6 йилга озодликдан маҳрум этилди. Жабрланувчи томон жиноят гуруҳ бўлиб содир этилганини, шу боис барча иштирокчилар жазоланишини сўраган эди.
3. Ўзбекистон Биринчи Президенти Ислом Каримовнинг фарзандлари уч нафар бўлгани ҳақида илк бор расмий маълумот берилди. ОАВ маълумотига кўра, учинчи дейилаётган, аслида тўнғич фарзанднинг исми — Пётр.
4. 2018 йилдан бошлаб Ўзбекистон Олий Лигасида 12 та футбол клуб қолади. Қолганлар — катта эҳтимол билан, «Нефтчи» (Фарғона) билан «Сўғдиёна» (Жиззах) — қуйи лигага сургун бўлади.
5. Куннинг бош мавзусига сабаб бўлганлар — бир суратда: Тошкент вилоятининг барча ҳокимлари ва Жиззах вилоятининг барча ҳокимлари.
Изоҳ (0)