Қирғизистон президенти сайловлари якунларини эълон қилиш номзодлардан бирининг судга даъвоси туфайли қолдирилмоқда

Қирғизистон марказий сайлов комиссияси президентлик саёвларининг расмий якунларини эълон қилишни давом этаётган суд жараёни туфайли қолдиришга мажбур бўлмоқда. Бу ҳақда «ТАСС» хабар берди.

«Сайловлар натижасини расман маълум қилиш номзод Токтайим Уметалиева билан боғлиқ суд муҳокамаси туфайли қолдирилмоқда. У овоз беришдан сўнг Бишкекдаги салкам 30 та сайлов участкасидаги натижаларни ҳақиқий эмас деб топиш тўғрисида судга даъво киритди. Биринчи инстанция суди унинг талабини қондиришни рад этди, 30 октябрь, душанба куни иш Олий судда кўрилади. Бу сайловлар билан боғлиқ охирги суд жараёни, у якунланганидан сўнг овоз бериш натижалари расман эълон қилиниши керак», — таъкидлади марказий сайлов комиссияси вакиллари.

Бу 30 октябрь кечки пайт ёки 31 октябрь эрталаб амалга ошиши кутилмоқда. Қирғиз қонунчилигига кўра, мамлакатнинг янги президенти инаугурация маросими овоз бериш натижалари расман эълон қилинганидан сўнг бир ой ичида бўлиб ўтиши лозим. Сайлов якунлари эса улар ўтказилганидан 20 кундан сўнг маълум қилиниши керак.