Apple компанияси муҳандисларидан бирини ишдан бўшатди. Ходимнинг қизи iPhone X смартфони чиқишидан бир ҳафта олдин ушбу ускунага тавсиф бериб чиққани бунга сабаб бўлди, деб хабар беради TJournal.
Бу билан эркак компаниянинг ички қоидаларини бузди ва жавобгарликни тўлалигича ўз зиммасига олди.
Муҳандиснинг қизи Брук Питерсони воқеа ҳақида YouTube’даги канали орқали маълум қилди.
Қизнинг сўзларига қараганда, у видео бу қадар машҳур бўлишини ҳамда бунинг оқибатларини ўйламаган. YouTube’да кўплаб бошқа видеоблогерлар гаджетга шарҳ бериб ўтгани уни ҳам ҳаракат қилишга ундаган эди.
Отаси билан иш жойида учрашиш пайтида муҳандис қизига iPhone X смартфонини синаб кўриш учун берган. Ушбу синов асосида видео чиқарилгач, тез орада Apple вакиллари қиз билан боғланиб, ундан видеороликни ўчиришни сўраган.
Қизнинг отаси тушунтириш хати ёзиб, компаниядан узр сўраган. Аммо бу ёрдам бермаган. Корпоратив қоидаларни бузганлик учун у ишдан бўшатилган.
Изоҳ (0)