Telegram асосчиси Павел Дуров Мешанск судининг шифрлар калитини ФХХга тақдим этмагани учун белгилаган жаримаси — бу мессенжернинг дунё бўйлаб тўрт йиллик фаолиятида биринчи ҳолат эканлигини маълум қилди, деб хабар берди «Ведомости».
Бу орқали у президентнинг интернет бўйича маслаҳатчиси Герман Клименконинг «Telegram Россия давлат органлари талабларини эътиборга олмайди, бироқ бошқа мамлакат ҳукумати билан ҳамкорлик қилади, масалан Индонезия», деган сўзларига изоҳ берди.
«Бундай эмас: Telegramнинг ҳукумат билан ҳамкорлик даражаси юрисдиксияга боғлиқ эмас ва ҳамма жойда бир хил тамойиллар асосида қурилади», — деб ёзади Дуров «ВКонтакте» даги саҳифасига.
Унинг таъкидлашича, Индонезия ҳукуматининг давлат структураси россиялик ҳамкасбларидан фарқли ўлароқ, Telegram’дан шахсий ёзишмаларни талаб қилмаган. Унинг компанияси бутун дунё бўйлаб террорчилик, болалар порнографияси ва шунга ўхшаш нарсаларни ўчириш бўйича сўровларни кўриб чиқади. Бироқ бирорта мамлакатда унинг давлат идораларида фойдаланувчиларнинг шахсий маълумотларини тақдим этмайди.
Изоҳ (0)