Интернетда Galaxy S9 ва S9+ смартфонларига дахлдор патент аризаси тасвирлари пайдо бўлди, деб ёзади «Hi-tech.mail.ru».
Улардан келиб чиқиб, Samsung Apple ва Essential ғоясини қабул қилиб, навбатдаги флагманини экрандаги кесим билан чиқаради, деб айтиш мумкин, аммо компания кесимни пастки қисмга жойлашга қарор қилди.
Galaxy S9 ва S9+ га Essential Phone’дагига ўхшаш кесим жойлаштирилиши мумкин, бироқ у дисплейнинг илгари Home тугмаси жойлашган қуйи қисмига ўрнатилади. Galaxy S8 ва S8+ нинг умумий концепциясини мерос қилиб олиши кутилаётган S9 ва S9+ нинг ўзига хос дизайни туфайли, олд панелда бармоқ изи сканери учун жой қолмайди. Шу тариқа, Samsung датчик учун экран пастида кесим қолдиради, у Home тугмаси сифатида ҳам «фаолият юритади».
Изоҳ (0)